ބޮޑުކަންނެލީގެ މަސްވެރިކަންކުރުމާއި ބޮޑުކަންނެލި ރާއްޖެއިން އެކްސްޕޯޓްކުރުމުގެ ގަވާއިދަށް 1 ވަނަ އިސްލާހު ގެނައުން
(ގަވާއިދު ނަންބަރު 30/2011)
1 ވަނަ މާއްދާ - 9 ޑިސެމްބަރ 2010 ގައި ގެޒެޓްކޮށްފައިވާ ގަވާއިދު ނަންބަރު 13/2010 "ބޮޑުކަންނެލީގެ މަސްވެރިކަންކުރުމާއި ބޮޑުކަންނެލލ ރާއްޖެއިން އެކްސްޕޯޓުކުރުމުގެ ގަވާއިދު" ގެ 3 ވަނަ މާއްދާގެ (ރ) އަށާއި 4 ވަނަމާއްދާގގެ (ބ) އަށާއި އަދި 17 ވަނަ މާއްދާގެ (ހ) އަށް ތިރީގައި މިވާ އިސްލާހު ގެނެސްފީމެވެ.
3 . (ރ) ބޮޑުކަންނެލީގެ މަސްވެރިކަން ކުރުމަށް ކޯޓާ ދޫކުރުމުގައި މިނިސްޓްރީއަށް ލަފާދިނުމަށް އަންނަނިވި ފަރާތްތަކުގެ މައްޗަށް އެކުލެވިގެންވާ "ފިށަރީޒް ކޯޓާ މެނޭޖްމަންޓް ކޮމެޓީ" އެއް މިނިސްޓްރީން އުފައްދައި ހިންގަންވާނެއެވެ.
- މިނިސްޓަރ އޮފް ފިށަރީޒް އެންޑް އެގްރިކަލްޗަރުން އައްޔަންކުރާ 2 މެމްބަރުން
- ބޮޑުކަންނެލީގެ މަސްވެރިކަމުގެ ސިނާއަތު ތަމްސީލުކުރާ 2 މެމްބަރުން
- ފިށަރީޒް އެޑްވައިޒަރީބޯޑުގެ 1 މެމްބަރު
4 . (ބ) ލޭނުއަޅައިގެން ބޮޑުކަންނެލީގެ މަސްވެރިކަންކުރުމަށް ލައިސަންސް ދޫކޮށްފައިވާ އުޅަނދުފަހަރުން އަޅާ ލޭނުބައިގެ މައި ނަނު ހުންނަންވާނީ ކަނޑުގެ މަތީފަށަލައިން ފެށިގެން މަދުވެގެން 60 މީޓަރުގެ ފުންމިނުގައެވެ.
17 ވަނަ މާއްދާގެ (ހ) ގެ "ރެވެނިއު ކޮމެޓީ" މިބައި އެމާއްދާއިން އުނިކުރުން.
2 ވަނަ މާއްދާ - ބޮޑުކަންނެލީގެ މަސްވެރިކަންކުރުމާއި ބޮޑުކަންނެލި ރާއްޖެއިން އެކްސްޕޯޓްކުރުމުގެ ގަވާއިދަށް މި ގެނެވުނު އިސްލާހަށް އަމަލުކުރަން ފަށާނީ، މި އިސްލާހު ދިވެހިސަރުކާރުގެ ގެޒެޓުގައި ށާއިއުކުރާ ތާރީހުން ފެށިގެންނެވެ.
ކިޔުންތެރިންގެ ހިޔާލު