(މި ގަވާއިދަށް އަމަލުކުރަން ފެށީ 18 ސެޕްޓެމްބަރު 2024 ގައި)

1 ވަނަ މާއްދާ - ތައާރުފާއި ނަން

(ހ) މި ގަވާއިދަކީ، ގާނޫނު ނަންބަރު 2024-06 (ކާބޯތަކެތީގެ ރައްކާތެރިކަމުގެ ގާނޫނު) އަށް އަމަލުކުރަން ފެށުމުން ކާބޯތަކެތީގެ ހިދްމަތްދޭ ތަންތަނާއި ފަރާތްތައް، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ތާރީހުން ފެށިގެން 2025 ފެބުރުވަރީ 23 ވަނަ ދުވަހުގެ ނިޔަލަށް މޯލްޑިވްސް ފުޑް އެންޑް ޑްރަގް އޮތޯރިޓީގައި ރަޖިސްޓަރީ ކުރުމާއި ލައިސަންސް ދޫކުރުމުގައި އަމަލުކުރާނެ އިންތިގާލީ އުސޫލު ބަޔާންކުރުމަށް، އެ ގާނޫނުގެ 55 ވަނަ މާއްދާގެ (ހ) އާއި (ށ) އާއި (ނ) އަށް ރިއާޔަތްކޮށް، އެ ގާނޫނުގެ 9 ވަނަ މާއްދާގެ (ށ) ގެ (1) ވަނަ ނަންބަރުގެ ދަށުން ބާރު ލިބިގެން އެކުލަވައިލައިފައިވާ ގަވާއިދެކެވެ،

(ށ) މި ގަވާއިދަށް ކިޔާނީ، "ކާބޯތަކެތީގެ ހިދުމަތްދޭ ތަންތަނާއި ފަރާތްތައް ރަޖިސްޓަރީކޮށް ލައިސަންސް ދޫކުރުމުގައި އަމަލުކުރާނެ އިންތި ާލީ އުސޫލު ބަޔާންކުރާ ގަވާއިދު" އެވެ،

2 ވަނަ މާއްދާ - ގަވާއިދު ހިނގާނެ ދާއިރާ

މި ގަވާއިދު ހިނގާނެ ދާއިރާތައް، ތިރީގައި މިވަނީއެވެ،

(ހ) ގާނޫނު ނަންބަރު 2024-06 (ކާބޯތަކެތީގެ ރައްކާތެރިކަމުގެ ގާނޫނު) އަށް އަމަލުކުރަން ފެށުމުގެ ކުރިން އޮތޯރިޓީގައި ނުވަތަ ދައުލަތުގެ އެހެން އިދާރާއެއްގައި ރަޖިސްޓަރީ ކޮށްފައިވާ ކާބޯތަކެތީގެ ހިދުމަތްދޭ ތަންތަނާއި ފަރާތްތައް. 

(ށ) ގާނޫނު ނަންބަރު 2024-06 (ކާބޯތަކެތީގެ ރައްކާތެރިކަމުގެ ގާނޫނު) އަށް އަމަލުކުރަން ފަށާއިރު ރަޖިސްޓަރީ ނުކޮށް ނުވަތަ ކަމާބެހޭ ލައިސަންސް ނުހޯދައި ހިންގަމުން އަންނަ، ކާބޯތަކެތީގެ ވިޔަފާރިތަކާއި ހިދުމަތް ފޯރުކޮށްދޭ ފަރާތްތައް.

3 ވަނަ މާއްދާ - މަގުސަދު

މި ގަވާއިދުގެ މަގުސަދުތައް، ތިރީގައި ބަޔާންކޮށްފައި މިވަނީއެވެ،

(ހ) ގާނޫނު ނަންބަރު 2024-06 (ކާބޯތަކެތީގެ ރައްކާތެރިކަމުގެ ގާނޫނު) ގެ 99 ވަނަ މާއްދާގެ (ށ) ގެ (1) ވަނަ ނަންބަރުގައި ބަޔާންކުރާ "ކާބޯތަކެތީގެ ހިދުމަތްދޭ ތަންތަނާއި ފަރާތްތައް ރަޖިސްޓަރީ ކުރުމާއި ލައިސަންސް ދިނުމާ ގުޅޭ ގަވާއިދު" ވުޖޫދަށް އަންނަންދެން ކާބޯތަކެތީގެ ހިދުމަތްދޭ ތަންތަނާއި ފަރާތްތައް ރަޖިސްޓަރީ ކުރުމާއި ލައިސަންސް ދިނުމާ ގުޅޭގޮތުން އަމަލުކުރާނެ އިންތިގާލީއުސޫލުތައް ބަޔާންކުރުން.

(ށ) ގާނޫނު ނަންބަރު 2024-06 (ކާބޯތަކެތީގެ ރައްކާތެރިކަމުގެ ގާނޫނު) އަށް އަމަލުކުރަން ފެށުމުގެ ކުރިން ގަވާއިދު ނަންބަރު 2014-380 (ކާބޯތަކެތީގެ ހިދުމަތް ދިނުމުގައި ހުންނަންޖެހޭ ސާފުތާހިރުކަމުގެ މިންގަނޑުތައް ބަޔާންކުރާ ގަވާއިދު) ގެ ދަށުން ދޫކޮށްފައިވާ ހުއްދަތައް، ގާނޫނު ނަންބަރު 2024-06 (ކާބޯތަކެތީގެ ރައްކާތެރިކަމުގެ ގާނޫނު) ގެ ދަށުން މޯލްޑިވްސް ފުޑް އެންޑް ޑްރަގް އޮތޯރިޓީން ދޫކުރުން.

(ނ) ގާނޫނު ނަންބަރު 2024-06 (ކާބޯތަކެތީގެ ރައްކާތެރިކަމުގެ ގާނޫނު) އަށް އަމަލުކުރަން ފެށުމުގެ ކުރިން މޯލްޑިވްސް ފުޑް އެންޑް ޑްރަގް އޮތޯރިޓީގެ ދަށުން ދޫކޮށްފައިވާ ހުއްދަތައް، ގާނޫނު ނަންބަރު 2024-06 (ކާބޯތަކެތީގެ ރައްކާތެރިކަމުގެ ގާނޫނު) ގެ ދަށުން މޯލްޑިވްސް ފުޑް އެންޑް ޑްރަގް އޮތޯރިޓީން 
ދޫކުރުން.

(ރ) ގާނޫނު ނަންބަރު 2024-06 (ކާބޯތަކެތީގެ ރައްކާތެރިކަމުގެ ގާނޫނު) އަށް އަމަލުކުރަން ފެށުމުނ،ް ކާބޯތަކެތީގެ ހިދުމަތްދޭ އެންމެހައި ތަންތަނާއި ފަރާތްތައް މޯލްޑިވްސް ފުޑް އެންޑް ޑްރަގް އޮތޯރިޓީގައި ރަޖިސްޓަރީކޮށް ލައިސަންސް ހޯދުމަށް ލާޒިމްކޮށްފައިވާތީ، ރަޖިސްޓަރީ ނުކޮށް ނުވަތަ ކަމާބެހޭ ހުއްދައެއް ނުހޯދައި ހިންގަމުންއަންނަ ވިޔަފާރިތަކާއި ހިދުމަތް ފޯރުކޮށްދޭ ފަރާތްތަކަށް ލައިސަންސް ދޫކުރުން.

4 ވަނަ މާއްދާ - ކާބޯތަކެތީގެ ހިދުމަތްދޭ ތަންތަނާއި ފަރާތްތަކުން ލައިސަންސަށް އެދި ހުށަހެޅުން

(ހ) ގާނޫނު ނަންބަރު 2024-06 (ކާބޯތަކެތީގެ ރައްކާތެރިކަމުގެ ގާނޫނު) އަށް އަމަލުކުރަން ފެށުމުގެ ކުރިން މޯލްޑިވްސް ފުޑް އެންޑް ޑްރަގް އޮތޯރިޓީގައި ރަޖިސްޓަރީ ކޮށްފައިވާ ކާބޯތަކެތީގެ ހިދުމަތްދޭ ތަންނާއި ފަރާތްތަކާއި، ގަވާއިދު ނަންބަރު 2014-380 (ކާބޯތަކެތީގެ ހިދުމަތް ދިނުމުގައި ހުންނަންޖެހޭ ސާފުތާހިރުކަމުގެ މިންގަނޑުތައް ބަޔާންކުރާ ގަވާއިދު) ގެ ދަށުން ރަޖިސްޓަރީ ކޮށްފައިވާ ކާބޯތަކެތީގެ ހިދުމަތްދޭ ތަންތަނާއި ފަރާތްތައް، ގާނޫނު ނަންބަރު 2024-06 (ކާބޯތަކެތީގެ ރައްކާތެރިކަމުގެ ގާނޫނު) ގެ 55 ވަނަ މާއްދާގެ (ހ) ގައި ބަޔާންކޮށްފައިވާ 6 (ހައެއް) މަސްދުވަހު ތެރޭގައި ރަޖިސްޓަރީކޮށް، ލައިސަންސް ހޯދުމަށް ޓަކައި މޯލްޑިވްސް ފުޑް އެންޑް ޑްރަގް އޮތޯރިޓީއަށް ހުށަހަޅަންވާ ނެއެވެ،

(ށ) ގާނޫނު ނަންބަރު 2024-06 (ކާބޯތަކެތީގެ ރައްކާތެރިކަމުގެ ގާނޫނު) އަށް އަމަލުކުރަން ފެށުމުގެ ކުރިން ރަޖިސްޓަރީ ނުކޮށް ނުވަތަ ކަމާބެހޭ ހުއްދައެއް ނުހޯދައި ހިންގަމުން އަންނަ ވިޔަފާރިތަކާއި ހިދުމަތް ފޯރުކޮށްދޭ ފަރާތްތައް 2025 ފެބުރުވަރީ 23 ވަނަ ދުވަހުގެ ކުރިން ރަޖިސްޓަރީކޮށް ލައިސަންސް ހޯދުމަށް ޓަކައި މޯލްޑިވްސް ފުޑް އެންޑް ޑްރަގް އޮތޯރިޓީއަށް ހުށަހަޅަންވާނެއެވެ،

(ނ) މި ގަވާއިދުގެ ޖަދުވަލު 2 ގެ (ހ) ގެ 1 ވަނަ ނަންބަރާއި، 2 ވަނަ ނަންބަރާއި، 3 ވަނަ ނަންބަރާއި، 11 ވަނަ ނަންބަރާއި، 12 ވަނަ ނަންބަރާއި، 13 ވަނަ ނަންބަރާއި، 14 ވަނަ ނަންބަރާއި 15 ވަނަ ނަންބަރުގައި ލިސްޓުކޮށްފައިވާ ތަންތަނުގެ ލައިސަންސަށް އެދި ހުށަހަޅާނީ"ވަންގަވް"  https://one.gov.mv ޕޯޓަލް މެދުވެރިކޮށެވެ،

(ރ) މި ގަވާއިދުގެ ޖަދުވަލު 2 ގެ (ހ) ގެ 4 ވަނަ ނަންބަރާއި، 5 ވަނަ ނަންބަރާއި، 6 ވަނަ ނަންބަރާއި، 7 ވަނަ ނަންބަރާއި، 8 ވަނަ ނަންބަރާއި، 9 ވަނަ ނަންބަރާއި، 10 ވަނަ ނަންބަރުގައި ލިސްޓުކޮށްފައިވާ ތަންތަނުގެ ލައިސަންސަށް އެދި ހުށަހަޅާނީ"ދިރިތި" https://dhirithi.egov.mv ޕޯޓަލް މެދުވެރިކޮށެވެ،

(ބ) މި މާއްދާގެ (ހ) އާއި (ށ) ގައި ބަޔާންކޮށްފައިވާ ހިދުމަތްތަކުގެ ރަޖިސްޓަރީނުވަތަ ލައިސަންސް އައުކުރުމަށް އެދި ހުށަހަޅަންވާނީމި މާއްދާގެ (ނ) އާއި (ރ) އާ އެއްގޮތަށެވެ،

(ޅ) މި މާއްދާގެ (ހ) އާއި (ށ) ގައި އެހެން ބަޔާންކޮށްފައި އޮތް ނަމަވެސް،މީހުން ދިރިއުޅޭ ތަންތަނާއި، ކާބޯތަކެތީގެ ހިދުމަތް ފޯރުކޮށްދިނުމަށް ވަގުތީގޮތުން ގާއިމުކުރާ މާރުކޭޓުތަކާއި އުޅަނދުތަކާއި ސްޓޭންޑްތައްރަޖިސްޓަރީ ކުރުން ލާޒިމެއް ނޫނެވެ،

(ކ) މި މާއްދާގެ (ޅ) ގައި އެހެން ބަޔާންކޮށްފައި އޮތް ނަމަވެސް، އަމިއްލަ ދިރިއުޅުމަށް ޓަކައި ކުރާ ކާބޯތަކެތި އުފައްދައި ވިއްކުމުގެ މަސައްކަތްކުރަންވާނީ، އެފަދަ ކާބޯތަކެތި އުފެއްދުމާ ގުޅޭގޮތުން އޮތޯރިޓީން ކަނޑައަޅާ މިންގަނޑާ އެއްގޮތްވާ ގޮތުގެ މަތީންނެވެ،

5 ވަނަ މާއްދާ - ލައިސަންސް ދޫކުރުން

(ހ) މި ގަވާއިދުގެ 4 ވަނަ މާއްދާގެ ދަށުން ރަޖިސްޓަރީ ކުރުމާއި ލައިސަންސް ހޯދުމަށް އެދި ހުށަހަޅާ ތަންތަނާއި ފަރާތްތަކަށް ރަޖިސްޓަރީކޮށް ލައިސަންސްދޫކުރާނީ، މޯލްޑިވްސް ފުޑް އެންޑް ޑްރަގް އޮތޯރިޓީން އެ ތަންތަން ބަލައި ފާސްކުރުމަށްފަހު، މި ގަވާއިދުގެ ޖަދުވަލު 1 ގައި ބަޔާންކޮށްފައިވާ މިންގަނޑަށް ފެތޭ ތަންތަނާއި ފަރާތްތަކަށެވެ،

(ށ) މި ގަވާއިދުގެ 4 ވަނަ މާއްދާގެ ދަށުން ރަޖިސްޓަރީކޮށް ލައިސަންސް ހޯދާ ތަންތަނާއި ފަރާތްތަކުގެ ތެރެއިން ޔޫރަޕިއަން ޔޫނިއަންއަށް އެކްސްޕޯޓްކުރާ ކާރުހާނާތައް ފިޔަވައި ކާބޯތަކެތީގެ ހިދުމަތްދޭ އެހެނިހެން ތަންތަނަށް ދޫކުރާ ލައިސަންސްގެ މުއްދަތަކީ 1 (އެކެއް) އަހަރުދުވަހުގެ މުއްދަތެވެ، އަދި ޔޫރަޕިއަން ޔޫނިއަންއަށް އެކްސްޕޯޓްކުރާ ކާރުހާނާތަކަށް ދޫކުރާ ލައިސަންސްގެ މުއްދަތަކީ 6 (ހައެއް) މަސްދުވަހުގެ މުއްދަތެވެ،

6 ވަނަ މާއްދާ - ފިޔަވަޅު އެޅުން

މި ގަވާއިދުގެ 4 ވަނަ މާއްދާގެ (ހ) އާއި (ށ) ގައި ބަޔާންކޮށްފައިވާ މުއްދަތުގައި ރަޖިސްޓަރީ ކުރުމަށް ހުށަނާޅާ ކާބޯތަކެތީގެ ހިދުމަތްދޭ ތަންތަނާއި ފަރާތްތަކަށް ގާނޫނު ނަންބަރު 2024-06 (ކާބޯތަކެތީގެ ރައްކާތެރިކަމުގެ ގާނޫނު) ގެ 79 ވަނަ މާއްދާގެ ދަށުން ފިޔަވަޅުއެޅޭނެއެވެ،

7 ވަނަ މާއްދާ - އަމަލުކުރަން ފަށާ ތާރީހު

މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވެ.

ޖަދުވަލު

މި ގަވާއިދުގެ އަންނަނިވި ޖަދުވަލުތައް އެޓޭޗްކުރެވިފައިވާ ފައިލުގައި ހިމެނިފައިވާނެ

ޖަދުވަލު 1

ކާބޯތަކެތީ ގެ ހިދުމަތްދޭ ތަންތަނާއި ފަރާތްތައް އަމަލުކުރަންޖެހޭ ގޮތުގެ މިންގަނޑު 

ޖަދުވަލު 2

ކާބޯތަކެތީގެ ހިދުމަތްދޭ ތަންތަނާއި ފަރާތްތަކަށް ލައިސަންސް ދޫކުރުމާއި ފީ ނެގުމާ ބެހޭ އުސޫލު 

މައި ގާނޫނު

ކާބޯތަކެތީގެ ރައްކާތެރިކަމުގެ ގާނޫނު (ގާނޫނު ނަންބަރު 2024-06)