ކަނޑުގެ ސަރަޙައްދުގައި ދަތުރުކުރާ އުޅަނދުފަހަރުގެ ސަލާމަތާބެހޭ ގަވާއިދު (ގަވާއިދު ނަންބަރު 2015-229) އަށް 3 ވަނަ އިސްލާހު ގެނައުމުގެ ގަވާއިދު
(ގަވާއިދު ނަންބަރު 2024-77)
(މި ގަވާއިދަށް އަމަލުކުރަން ފެށީ 29 އޮގަސްޓް 2024 ގައި)
ގަވާއިދު ނަންބަރު 2015-229 (ދިވެހިރާއްޖޭގެ ކަނޑުގެ ސަރަހައްދުގައި ދަތުރުކުރާ އުޅަނދުފަހަރުގެ ސަލާމަތާބެހޭ ގަވާއިދު) އަށް، އަންނަނިވި އިސްލާހުތައް ގެނައުން.
1 ވަނަ މާއްދާ - ބުނެވިދިޔަ ގަވާއިދުގެ 1 ވަނަ މާއްދާ އަންނަނިވި ގޮތަށް އިސްލާހުކުރުން.
ތައާރުފު 1.
މި ގަވާއިދަކ،ީ ގާނޫނު ނަންބަރު 1978-69 (ކަނޑުގައި ދުއްވާ އުޅަނދުތައް ދުއްވުމާބެހޭ ގާނޫނު) ގެ 6 ވަނަ މާއްދާގެ (ށ) ގެ 10 ވަނަ ނަންބަރާއި، 12 ވަނަ ނަންބަރާއި، 13 ވަނަ ނަންބަރުގެ ދަށުން ބާރު ލިބިގެން އެކުލަވައިލައިފައިވާ ގަވާއިދެކެވެ.
2 ވަނަ މާއްދާ - ބުނެވިދިޔަ ގަވާއިދުގެ 3 ވަނަ މާއްދާ އަންނަނިވި ގޮތަށް އިސްލާހުކުރުން.
ގަވާއިދު ހިންގާ ފަރާތް 3.
މި ގަވާއިދު ހިންގާނީ، ކަނޑު ދަތުރުފަތުރުގެ ކަންތައްތައް ބެލެހެއްޓުމުގެ މަސްއޫލިއްޔަތު ހަވާލުކޮށްފައިވާ މިނިސްޓްރީން ނުވަތަ އެ މިނިސްޓްރީން ކަނޑައަޅާ ފަރާތަކުންނެވެ.
3 ވަނަ މާއްދާ - ބުނެވިދިޔަ ގަވާއިދުގެ 7 ވަނަ މާއްދާގެ (ށ) އުނިކޮށް އަކުރުތައް ތަރުތީބުކުރުން.
4 ވަނަ މާއްދާ - ބުނެވިދިޔަ ގަވާއިދުގެ 8 ވަނަ މާއްދާގެ (ހ) އަންނަނިވި ގޮތަށް އިސްލާހުކޮށް، މި މާއްދާގެ (ރ) ގެ ފަހަތަށް
(ބ) އާއި (ޅ) އިތުރުކުރުން.
(ހ) އުޅަނދު ސަރވޭކޮށް، ސަލާމަތީ ސެޓުފިކެޓުތައް ދޫކުރެވޭނީ، ސަރވޭކުރި ތާރީހުން ފެށިގެން ގިނަވެގެން 5 (ފަހެއް) އަހަރުދުވަހަށެވެ.
(ބ) އުޅަނދު ސަރވޭކޮށް ދޫކުރާ ސަލާމަތީ ސެޓުފިކެޓުތަކަށް އެންޑޯޒްމަންޓް ހޯދަންވާނެއެވެ. ސަލާމަތީ ސެޓުފިކެޓުތަކަށް އެންޑޯޒްމަންޓް ހޯދުމުގައި އަމަލުކުރާނެ ގޮތް ތިރީގައި މިވަނީއެވެ.
- މި ގަވާއިދުގެ 9 ވަނަ މާއްދާގައި ބަޔާންކޮށްފައިވާ ސެޓުފިކެޓުތައް ލިބުމަށްފަހ،ު ކޮންމެ 12 (ބާރަ) މަހަކުން 1 (އެކެއް) ފަހަރު އުޅަނދު ސަރވޭކުރުމަށް ހުށަހަޅައި،އުޅަނދު ސަރވޭކުރިކަން އަންގައިދިނުމުގެ ގޮތުން ދޫކުރާ ސެޓުފިކެޓުތަކަށް އެންޑޯޒްމަންޓް ހޯދަންވާނެއެވެ.
- ކޮންމެ ސެޓުފިކެޓެއްގެ އަހަރީ ތާރީހުގެ ކުރީ 3 (ތިނެއް)މަސްދުވަހުގެ ތެރޭގައި ނުވަތަ އަހަރީ ތާރީހުގެ ފަހުން 3 (ތިނެއް) މަސްދުވަހުގެ ތެރޭގައި އުޅަނދުގެ އަހަރީ ސަރވޭ ކުރުމަށް ހުށަހަޅައި ސަލާމަތީ ސެޓުފިކެޓަށް އެންޑޯޒްމަންޓް ހޯދަންވާނެއެވެ.
- މި އަކުރުގެ (2) ވަނަ ނަންބަރުގައި ބަޔާންކޮށްފައިވާ މުއްދަތު ފަހަނަޅައި ހިނގައްޖެ ނަމަ، އުޅަނދަށް 5 (ފަހެއް) އަހަރުދުވަހުގެ މުއްދަތަށް ދޫކޮށްފައިވާ ސަލާމަތީ ސެޓުފިކެޓު ސައްހަކަމަށް ބަލާނީ، އެ އުޅަނދު ކޮންމެ އަހަރަކު އެއްފަހަރު ފުރިހަމަކުރަންޖެހޭ ސަރވޭ ފުރިހަމަކުރުމަށްފަހު ދޫކުރާސެޓުފިކެޓަށް އެންޑޯޒްމަންޓް ހޯދުމުންނެވެ.
(ޅ) މި ގަވާއިދުގެ 9 ވަނަ މާއްދާގެ ދަށުން ދޫކޮށްފައިވާ ސަލާމަތީ ސެޓުފިކެޓުތަކުގެ ތެރެއިން، މި ގަވާއިދަށް އަމަލުކުރަން ފަށާއިރު މުއްދަތު ހަމަނުވެ ހުރި ސެޓުފިކެޓުތައ،ް އެ ސެޓުފިކެޓު ދޫކޮށްފައިވާ މުއްދަތު ހަމަވަންދެން ބޭނުންކުރެވޭނެއެވެ.
5 ވަނަ މާއްދާ - ބުނެވިދިޔަ ގަވާއިދުގެ 1-42 ވަނަ މާއްދާގެ ފަހަތަށް (ރ) ގެ ގޮތުގައި އަކުރެއް އިތުރުކުރުން.
(ރ) 24 (ސައުވީސް) މީޓަރުން ފެށިގެން ކުދި އުޅަނދުފަހަރު ސަރވޭކުރާ ކޮންމެ ފަހަރަކު، ސަރވޭކުރާ ކޮންމެ އުޅަނދަކަށް، އެޑްމިނިސްޓްރޭޓިވް ފީގެ ގޮތުގައި 250 (ދުއިސައްތަ ފަންސާސް) ރުފިޔާ ނެގޭނެއެވެ.
6 ވަނަ މާއްދާ - މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވެ.
ކިޔުންތެރިންގެ ހިޔާލު