އިލެކްށަންސް ކޮމިށަނުގެ ގަވާއިދަށް 6 ވަނަ އިސްލާހު ގެނައުމުގެ ގަވާއިދު
(ގަވާއިދު ނަންބަރު 2021-45)
ގަވާއިދު ނަންބަރު 2019-02 (އިލެކްށަންސް ކޮމިށަނުގެ ގަވާއިދު) އަށް، އަންނަނިވި އިސްލާހުތައް ގެނައުން.
1 ވަނަ މާއްދާ - ބުނެވިދިޔަ ގަވާއިދުގެ ޖަދުވަލު 2 ގެ 2 ވަނަ މާއްދާގެ 2.3 އަންނަނިވި ގޮތަށް އިސްލާހުކުރުން.
ވަޒީފާއަށް މީހުން ހޯދުމަށް އިއުލާނު ކުރުން 2.
2.3 ކޮމިށަނުގެ ހުރިހާ މަޤާމަކަށް މީހުން ހޯދާންވާނީ އާންމުކޮން އިއުލާނު ކޮށްގެންނެވެ. މިގޮތަށް އިއުލާނު ކުރުމުގެ ކުރިން، މި ގަވާއިދުގެ ޖަދުވަލު 5 ގެ 4 ވަނަ މާއްދާގެ 4.2 ވަނަ ނަންބަރުގެ ދަށުން އަމަލު ކުރާންވާނެއެވެ .މީހުން ހޯދުމަށް ކުރާ އިއުލާނުތަކުގައި އަންނަނިވި މައުލޫމާތު އާންމު ކުރާންވާނެއެވެ.
- މަގާމުގެ ނަން؛
- ވަޒީފާ އަދާކުރާންޖެހޭ ތަން؛
- މަގާމުގެ ރޭންކާއި ށަރުތުތައް؛
- މަޤާމުގައި އަދާކުރާންޖެހޭ މައިގަނޑު މަސްއޫލިއްޔަތު؛
- މުސާރައާއި، މުސާރައިގެ އިތުރަށް ދެވޭ އެލެވަންސާއި އިނާޔަތްތައް؛
- ހުށަހަޅާންޖެހޭ ތަކެތި؛
- ޓެސްޓެއް ނުވަތަ ޕްރެޒެންޓޭށަނެއް ދޭންޖެހޭ ފަދަ މަޤާމެއް ނަމަ އެކަން؛
- ވަޒީފާއަކީ، މީލާދީގޮތުން 18 (އަށާރަ) އަހަރު ފުރިފައިވާ ދިވެހީންނަށް އެކަނި ކުރިމަތިލެވޭނެ ވަޒީފާއެއްކަން ބަޔާންކުރުން؛
- ވާޒީފާއަށް އެދި ހުށަހެޅުމުގެ މުއްދަތު ހަމަވާ ތާރީޚު.
2 ވަނަ މާއްދާ -ބުނެވިދިޔަ ގަވާއިދުގެ ޖަދުވަލު 2 ގެ 2 ވަނަ މާއްދާގެ 2.3 ގެ ފަހަތަށް 2.4 ގެ ގޮތުގައި ނަންބަރެއް އިތުރުކުރުން.
ވަޒީފާއަށް މީހުން ހޯދުމަށް އިއުލާނު ކުރުން 2.
2.4 މި ގަވާއިދުގެ 5 ވަނަ މާއްދާގައި، ކޮމިޝަނުގެ ސެކްރެޓަރީ ޖެނެރަލް ޢައްޔަނު ކުރުމަށް ވަކި ގޮތެއް ބަޔާންކޮށްފައި އޮތް ނަމަވެސް، ކޮމިށަނަށް ފެނިއްޖެ ހިނދެއްގައި މި މާއްދާގެ 2.3 ގެ ދަށުން، ސެކްރެޓަރީ ޖެނެރަލް އައްޔަނު ކުރެވިދާނެއެވެ.
3 ވަނަ މާއްދާ - ބުނެވިދިޔަ ގަވާއިދުގެ ޖަދުވަލު 2 ގެ 5 ވަނަ މާއްދާގެ 5.2 އުނިކުރުން.'
4 ވަނަ މާއްދާ - ބުނެވިދިޔަ ގަވާއިދަށް އިތުރުކުރާ އަދި އުނިކުރާ މާއްދާތަކާ ގުޅިގެން އެ ގަވާއިދުގެ މާއްދާތަކުގެ ނަންބަރު ތަރުތީބުކުރުން.
5 ވަނަ މާއްދާ - މި ގަވާއިދަށް ޢަމަލުކުރާން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވެ.
މައި ގަވާއިދު
އިލެކްށަންސް ކޮމިށަނުގެ ގަވާއިދު (ގަވާއިދު ނަންބަރު 2019-02)
ކިޔުންތެރިންގެ ހިޔާލު