ޖުޑީށަލް ސަރވިސް ކޮމިށަނުގެ ހިންގާ ގަވާއިދަށް 14 ވަނަ އިސްލާހު ގެނައުމުގެ ގަވާއިދު
(ގަވާއިދު ނަންބަރު 2021-19)
(މި ގަވާއިދު ވަނީ ގަވާއިދު ނަންބަރު 2023-167 ގެ 70 ވަނަ މާއްދާއިން އުވާލެވިފައި)
ޖުޑީށަލް ސަރވިސް ކޮމިށަނުގެ ހިންގާ ގަވާއިދަށް، ތިރީގައިވާ އިސްލާހުތައް ގެނައުން.
1 ވަނަ މާއްދާ - ބުނެވިދިޔަ ގަވާއިދުގެ 63 ވަނަ މާއްދާގެ (އ) ގެ ފަހަތަށް އަކުރެއް އިތުރުކުރުން.
(ވ) މުވައްޒަފަކަށް ސެޓުފިކެޓު ހުށަހެޅުމަކާ ނުލައި ސަލާމުގެ ޗުއްޓީގައި ހުރެވޭނީ ވިދިވިދިގެން 2 (ދޭއް) ދުވަހުއެވެ. މިފަދައިން މި ޗުއްޓީ ނެގޭނީ ތިރީގައިމިވާ ގޮތުގެ މަތިންނެވެ.
- ސެޓުފިކެޓާ ނުލައި ސަލާމުގެ ޗުއްޓީގައި ވިދިވިދިގެން ހުރެވޭނެ 2 (ދޭއް) ދުވަސް ކަމަށް ބަލާނީ، ސަރުކާރު ބަންދު ދުވަހެއް މެދަށް ނުވަންނަ، ވިދިވިދިގެން އަންނަ މަސައްކަތު 2 (ދޭއް) ދުވަހެވެ.
- ސަލާމުގެ ޗުއްޓީގައި ހުރި ދުވަހުގެ ފަހު ދުވަހަކީ ސަރުކާރު ބަންދު ދުވަހަކަށް ވެއްޖެނަމަ، ޖެހިގެން އަންނަ މަސައްކަތު ދުވަހަކީ ވިދިވިދިގެން އަންނަ 2 (ދޭއް) ދުވަސް ކަމުގައެއް ނުބެލޭނެއެވެ.
- ސަރުކާރު ބަންދު ދުވަހާއެކު، ވިދިވިދިގެން 2 (ދޭއް) ދުވަހަށްވުރެ ގިނަ ދުވަހު ސަލާމުގެ ޗުއްޓީގައި ހުރުމަށްފަހު، މަސައްކަތު ނުކުންނަ ދުވަހު، ސަލާމުގެ ސެޓުފިކެޓު ހުށަހަޅަން ވާނެއެވެ.
- ސަލާމުގެ ޗުއްޓީގެ ގޮތުގައި ބަޔާންކުރާ 30 (ތިރީސް) ދުވަހުގެ ތެރެއިން ސެޓުފިކެޓު ހުށަހެޅުމަކާ ނުލައި ސަލާމުގެ ޗުއްޓީގައި ހުރެވޭނީ ގިނަވެގެން 15 (ފަނަރަ) ދުވަހުއެވެ.
2 ވަނަ މާއްދާ – މި އިސްލާހަށް ޢަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވެ.
ކިޔުންތެރިންގެ ހިޔާލު